26 Shtator – Dita Evropiane e Gjuhëve të Huaja
🌍 Sot, shkolla jonë u mbush me ngjyra, aroma dhe zëra shumëgjuhësh, në një festë të jashtëzakonshme kulturore, kushtuar Ditës Evropiane të Gjuhëve të Huaja!
Nxënësit tanë sollën një atmosferë unike përmes një aktiviteti mbresëlënës që bashkoi gjuhët, kulturat dhe krijimtarinë:
📝 Një çarçaf gjigant prej 5 metrash, i mbushur me shprehje, përshëndetje dhe urime në gjuhë të ndryshme evropiane – një urë gjuhësore që na kujton bukurinë e shumëllojshmërisë!
🌳 Pema e gjuhëve indoevropiane, e realizuar me materiale të riciklueshme, u shndërrua në simbolin tonë të përbashkët të rrënjëve gjuhësore që na lidhin.
🍪 Tryeza e shijeve evropiane, me ëmbëlsira tradicionale të përgatitura nga vetë nxënësit, i dha ngjyrë dhe shije festës sonë shumëgjuhëshe.
🎨 Krijimtaria, bashkëpunimi dhe dashuria për gjuhët u reflektuan në çdo cep të shkollës sonë sot – një ditë që do të mbetet gjatë në kujtesën e të gjithëve!
💬 Gjuha është më shumë se fjalë – është dritare drejt botës.
Urime dhe falenderime të gjithë nxënësve të klasës së dhjetë dhe të njëmbëdhjetë që morën pjesë dhe përgatitën gjithçka.
Një falenderim në veçanti mësuese Enisës për përkushtimin dhe magjinë që solli bashkë me nxënësit në këtë ditë kaq të veçantë!
Suksese të mëtejshme Aristotelsa⭐️⭐️⭐️⭐️
