Anatomia:Zemra është e përbërë ngë një muskul specifik i quajtur ”miokard” që tkurret dhe lëshohet në mënyrë ciklike. Nga jashtë është e mbështjellë nga një cipë e hollë që quhet perikard dhe nga brenda nga një cipë tjetër që quhet endokard. Pjesa e brendshme e zemres ndahet në katër dhoma. Atriumi me barkushen e majtë përbëjnë pjesën e majtë të zemrës dhe atriumi me barkushen e djathë që përbëjnë pjesën e djathtë të saj.

Vendndodhja:Zemra ndodhet midis mushkërive në mes të gjoksit, prapa dhe pak në të majtë të kockës së gjoksit (sternum).

Funksioni: Zemra është organi, që bën të mundur qarkullimin e vazhdueshëm të gjakut në organizëm. Nëpërmjet këtij qarkullimi gjaku shpërndan oksigjenin dhe elementët e domosdoshëm ushqyes në gjithë indet e organizmit. Pra zemra në vetëvete është si një pompë që shtyn gjakun në të gjithë pjesët e trupit.

Struktura:Zemra është e përbërë nga tre shtresa të indeve: epikardium, myokardium, endokardium. Këto shtresa janë të rrethuara nga perikardi, një shtresë e hollë e jashtme që mbron zemrën. Ka katër dhoma që përbëjnë zemrën – dy në anën e majtë dhe dy në të djathtë. Dy dhomat e sipërme të vogla janë atria. Dy dhomat më të mëdha të ulëta janë barkushet. Këto anët e majta dhe të djathta të zemrës janë të ndara nga një mur muskul i quajtur septum.

Përmbledhje:Zemra është organi që pompon gjakun për të siguruar oksigjen dhe ushqyes për trupin. Ajo ka katër dhoma dhe valvula që ndihmojnë në kontrollin e rrjedhjes së gjakut.

Anatomia:
Arteriet : Enë gjaku që transportojnë gjakun e oksigjenuar nga zemra në organet dhe indet e trupit.Arteria kryesore - aorta.
Venat : Enë gjaku që bartin gjakun në drejtim të zemrës. Shumica e venave bartin gjakun e papastër nga indet deri në zemër; përjashtime kanë venat pulmonare dhe të kërthizës, dy nga të cilat bartin gjakun e oksigjenuar në zemër.

Vendndodhja:
Arteriet : Arteria kryesore që del nga zemra është aorta, e cila shpërndahet në degë që çojnë gjakun në të gjitha pjesët e trupit.
Venat : Venat kryesore që kthejnë gjakun për në zemër janë vena cava superiore dhe vena cava inferiore. Ato çojnë gjakun në atriumin e djathtë të zemrës.

Funksioni:
Arteriet : Funksioni i arterieve është transportimi i gjakut të oksigjenuar (përveç arterieve pulmonare që dërgojnë gjakun deoksigjenuar) nga zemra për në indet dhe organet e trupit. Kjo bëhet me një presion të lartë që ndihmon në qarkullimin e gjakut.
Venat : Mbledhin dhe kthejnë gjakun deoksigjenuar nga organet dhe indet për në zemër për t'u dërguar më pas në mushkëri për oksigjenim.

Struktura:
Arteriet : Arteriet kanë një mur më të trashë se venat, pasi duhet të përballojnë presionin e lartë të gjakut që del nga zemra. Muri i arterieve ka tre shtresa: Tunica intima (shtresa e brendshme) , Tunica media (shtresa e mesme, që përmban muskuj që ndihmojnë në ngushtimin dhe zgjerimin e arterieve), Tunica externa (shtresa e jashtme).
Venat : Muri i venave është më i hollë se ai i arterieve dhe nuk ka muskuj të fuqishëm për të përballuar presionin e lartë. Po ashtu, venat kanë valvula që ndihmojnë në kthimin e gjakut në zemër, sidomos në pjesët më të largëta të trupit.

Përmbledhje:
Arteriet : Arteriet janë enë gjaku me mure të trasha që transportojnë gjakun e oksigjenuar nga zemra për në organet dhe indet e trupit.
Venat : Venat janë enë gjaku që kthejnë gjakun deoksigjenuar nga trupit për në zemër. Ato kanë valvula që ndihmojnë në drejtimin e duhur të gjakut.